Çıxışın əhəmiyyətli hissəsi Azərbaycanın enerji infrastrukturunun müasirləşdirilməsinə həsr olunmuşdu. Prezident çıxışında qeyd etdi ki, yeni stansiyanın inşası Mingəçevirdə sovet dövründən mövcud olan elektrik stansiyası irsinin davamıdır. Ulu Öndər Heydər Əliyevin təşəbbüsü ilə 1976-cı ildə əsası qoyulan və 1981-ci ildə istismara verilən Mingəçevir İstilik Elektrik Stansiyası illər boyu Azərbaycanın əsas enerji mənbələrindən biri olub.

Son illərdə bu infrastrukturun yenilənməsi istiqamətində ciddi addımlar atılıb. 2018-ci ildən etibarən istismar müddətini başa vurmuş 8 blokun təmiri nəticəsində itirilmiş 600 MVt güc bərpa olunub. Prezident bu fəaliyyəti "itirilmiş gücün bərpası" adlandırdı və bu işlərin yüksək texnoloji səviyyədə və yerli mütəxəssislər tərəfindən həyata keçirildiyini vurğuladı.

“8 Noyabr” stansiyası bu modernləşmə strategiyasının davamıdır və ən son texnologiyalarla təchiz olunmaqla yanaşı, enerji səmərəliliyi baxımından da müasir standartlara cavab verir.
Xocalı rayon ziyalısı Rafiq Quliyev