30.05.2025-ci il tarixində Xocalı rayon Mədəniyyət evində "İnsan Hüquqları Aylığı" çərçivəsində "İnsan hüquqlarının və azadlıqlarının mahiyyəti" mövzusunda tədbir keçirilib. Tədbirdə Xocalı rayon mədəniyyət işçiləri iştirak etdilər.

Tədbirdə insan hüquqları və qanuni mənafelərin qorunması istiqamətində dövlət səviyyəsində görülmüş məqsədyönlü işlərə toxunulub. Həmkarlar İttifaqlarının əmək hüquqlarının qorunması ilə bağlı fəaliyyətindən bəhs olunub. Həmçinin, Mədəniyyət Nazirliyinin insan hüquqlarının müdafiəsi və təşviqi sahəsində həyata keçirdiyi geniş fəaliyyət barədə görüş iştirakçılarına ətraflı məlumat verilib. Vurğulanıb ki, Mədəniyyət Nazirliyi tərəfindən mədəniyyət işçilərinin sağlam və təhlükəsiz əmək şəraitinin təşkili və təmin edilməsinə xüsusi diqqət yetirilir. Mədəniyyət sahəsində çalışan işçilərin hüquqlarının müdafiəsini təmin etmək üçün mütəmadi olaraq maarifləndirici təlimlər keçirilir, görüşlər təşkil olunur.