Prezident İlham Əliyevin 2 iyun tarixli çıxışı enerji sahəsində Azərbaycanda əldə olunan uğurların zirvəsini və gələcək hədəfləri əhatə edən bir nitq kimi qiymətləndirilə bilər. “Caspian Oil and Gas” sərgisinin 30 illiyi münasibətilə keçirilən mərasimdə dövlət başçısı bu tədbirlərin Azərbaycanın enerji diplomatiyasında oynadığı roldan bəhs etdi.

O qeyd etdi ki, 1994-cü ildə ilk dəfə keçirilən bu sərgi artıq dünya səviyyəsində tanınan bir platformaya çevrilib. Hər il yüzlərlə beynəlxalq şirkət və nümayəndə bu tədbirdə iştirak edərək əməkdaşlıq imkanlarını dəyərləndirir. Bu da Azərbaycanın beynəlxalq enerji bazarındakı mövqeyinin möhkəmlənməsinə şərait yaradır.

Prezident əlavə etdi ki, sərgi və forumlar təkcə iqtisadi maraqları deyil, həm də innovativ texnologiyaların tətbiqi, enerji səmərəliliyi və ekoloji məsuliyyət kimi dəyərləri təşviq edir. Bu baxımdan Bakı Enerji Həftəsi təkcə ənənəvi enerji sektorunun deyil, həm də yaşıl keçid prosesinin əsas tribunasına çevrilib.

Sonda Prezident İlham Əliyev beynəlxalq ictimaiyyəti Azərbaycanın enerji təşəbbüslərində iştirak etməyə çağırdı və əminliklə qeyd etdi ki, ölkəmiz gələcəkdə də enerji sahəsində sabitlik, əməkdaşlıq və tərəqqinin əsas ünvanı olacaq.
Xocalı rayon gənci Ramil Salahzadə.