Prezident İlham Əliyev 25 sentyabr 2025-ci il tarixində BMT Baş Assambleyasının 80-ci sessiyasında nitq söylədi. O, bu dəfə tribunanın arxasında yalnız haqsızlıqlardan və işğal tarixindən danışmaqla kifayətlənmədi — onun nitqi gələcəyə baxış, yenidənqurma və regional sülh strategiyası ilə dolu idi.
Nitqində dövlət başçısı bəyan etdi ki, Azərbaycan illərlə təzyiqlər, danışıqlar və boş vədlər görüb. Uzun illər boyunca təxminən iyirmi faizlik ərazi işğal altında qalarkən, bir milyona yaxın insan öz evlərini tərk etməli olmuşdu. Bu müddətdə beynəlxalq orqanlar çoxsaylı qərarlar qəbul etmişdi, lakin işğala son qoyulmadı.
2020-ci ildə Azərbaycan “önləyici özünümüdafiə” haqqını istifadə edərək, işğala qarşı mübarizəyə başladı. 44 günlük müharibə nəticəsində dövlətimiz işğal altında olan torpaqlarını azad etdi və ərazi bütövlüyünü bərpa etdi.
Prezident Əliyev nitqində Ermənistanla münasibətlərdə yeni səhifənin açıldığını vurğuladı. O bildirdi ki, 8 avqust 2025-ci il tarixində Vaşinqtonda Azərbaycan və Ermənistan xarici işlər nazirləri sülh sazişi layihəsini ilkinləşdirdilər, həmin gün isə Prezident və Baş nazir Birləşmiş Bəyannaməni imzaladılar. Bu prosesin xarici müdaxilədən uzaqda aparılması və ikitərəfli olması xüsusilə önə çəkildi.
Nitqdə “Trump Route for International Peace and Prosperity” (TRIPP) adlı Zəngəzur dəhlizi ideyası da yer aldı — bu dəhlizin açılması ilə region ölkələri arasında nəqliyyat əlaqələrinin gücləndiriləcəyi, ticarət və kommunikasiya əlaqələrinin yaxındanlaşdırılacağı vurğulandı.
Enerji və iqtisadi inkişaf sahələri də Prezidentin diqqətində idi. O qeyd etdi ki, Azərbaycan artıq bir neçə ölkəyə qaz tədarük edir və enerji sektorunda diversifikasiya istiqamətində addımlar atır. Bərpa olunan enerji layihələri, investisiya mühiti və qeyri-neft sektorunun inkişafı da nitqində göstərilən prioritetlər arasındadır.
Humanitar məsələlərdən də danışdı: minalanmış ərazilər, məcburi köçkünlərin təhlükəsiz şəkildə geri dönüşü, itkin düşənlərin taleyi və infrastrukturun bərpası kimi çətinliklər. O dedi ki, bu problemlər sadəcə yerli məsələ deyil, beynəlxalq əməkdaşlıq tələb edən məsələdir.
Nitqini Prezident belə tamamladı: Azərbaycan artıq yeni bir mərhələyə daxil olub — işğal sona çatıb, yenidənqurma başlayıb, və indi məqsəd davamlı sülh və ədalətə əsaslanan dünyada öz yerini möhkəmləndirməkdir. Suverenlik, beynəlxalq hüquq, qarşılıqlı hörmət və əməkdaşlıq prinsipləri əsasında yeni bir dünyanın qurulmasına çağırdı.
Xocalı rayon ziyalısı vüsal Mustafayev