Qarabağ Regional Gənclər və İdman İdarəsinin Xocalı rayonu üzrə gənclər və idman sektorunun təşkilatçılığı ilə Xocalı rayon Kosalar kənd tam orta məktəbində "27 Sentyabr - Anım Günü" münasibətilə "Qəhrəmanlarımızı unutmayaq" adlı tədbir keçirilib.

Tədbirdə ilk öncə dövlətimizin ərazi bütövlüyü uğrunda canlarını fəda etmiş şəhidlərimizin əziz xatirəsi 1 dəqiqəlik sükutla yad edilib.

Çıxış natiqlər Müzəffər Ali Baş Komandan İlham Əliyevin rəhbərliyi altında şanlı Azərbaycan ordusunun 44 gün ərzində doğma Vətən torpağının işğaldan azad olunmasında göstərdiyi qəhrəmanlıqlardan danışıb, Vətən müharibəsinin tarixi əhəmiyyəti haqqında iştirakçılara geniş məlumat veriblər.