Xocalı Rayon İcra Hakimiyyəti tərəfindən gənclərin sosial müdafiəsinin gücləndirilməsi, onların hüquq və imkanları barədə məlumatlılığının artırılması, eləcə də sosial xidmətlərdən istifadəsinin təşviq edilməsi istiqamətində maarifləndirmə işlərinə diqqət yetirilir.

Bu istiqamətdə həyata keçirilən tədbirlərin əsas məqsədi sosial müdafiəyə ehtiyacı olan gənclərin üzləşdikləri çətinliklərin müəyyənləşdirilməsi, onların mövcud sosial dəstək imkanları barədə məlumatlandırılması və müvafiq xidmətlərə çıxışının asanlaşdırılmasına kömək göstərilməsidir.

Görüşlər və fərdi müraciətlər zamanı gənclərə sosial təminat, məşğulluq, peşə hazırlığı, təhsil və digər sosial xidmətlərdən yararlanmaq imkanları barədə məlumatların verilməsi, ehtiyac yarandıqda isə aidiyyəti dövlət qurumlarına müraciət etmələri üçün istiqamətləndirilməsi nəzərdə tutulur. Xüsusi qayğıya ehtiyacı olan, aztəminatlı ailələrdən olan və sosial çətinliklərlə üzləşən gənclərin müraciətlərinə həssas yanaşılması, onların ehtiyaclarının öyrənilməsi və müvafiq dəstək mexanizmlərindən istifadə imkanlarının araşdırılması bu işin mühüm istiqamətlərindəndir.

İşğaldan azad edilmiş Xocalı rayonunda məskunlaşma və sosial infrastrukturun inkişafı prosesi çərçivəsində gənclərin sosial rifahının yaxşılaşdırılması, onların cəmiyyətə inteqrasiyası, təhsil və məşğulluq imkanlarından yararlanması məsələləri də əhəmiyyət daşıyır. Bu baxımdan gənclərin müraciətlərinin dinlənilməsi, qarşılaşdıqları problemlərin aidiyyəti qurumlarla birgə araşdırılması və zəruri hallarda müvafiq xidmətlərə yönləndirilməsi vacibdir.

Xocalı Rayon İcra Hakimiyyəti gənclərin sosial müdafiəsinin gücləndirilməsi və sosial xidmətlərə çıxış imkanlarının artırılması istiqamətində aidiyyəti qurumlarla əməkdaşlığın davam etdirilməsini, bu sahədə maarifləndirmə işlərinin aparılmasını və gənclərin ehtiyaclarının diqqətdə saxlanılmasını məqsədəuyğun hesab edir.