“Konstitusiya və Suverenlik İli” çərçivəsində keçirilən tədbirlər planına uyğun olaraq Xocalı rayon İcra Hakimiyyəti və Qarabağ Regional Gənclər və İdman İdarəsinin Xocalı rayonu üzrə gənclər və idman sektorunun birgə təşkilatçılığı ilə Goranboy rayonu Ağcakənd qəsəbəsində 12 avqust - Beynəlxalq Gənclər Günü münasibətilə dəyirmi münasibətilə masa təşkil olunub.

Xocalı rayon Mədəniyyət Evində keçirilən tədbirdə rayon icra hakimiyyəti başçısınını müavini Lamiyə Qarayeva, Qarabağ Regional Gənclər və İdman İdarəsinin Xocalı rayonu üzrə gənclər və idman sektorunun əməkdaşları və rayonun fəal gəncləri iştirak edib.

Tədbirdə Azərbaycanda həyata keçirilən uğurlu və səmərəli gənclər siyasətindən bəhs edilib. Diqqətə çatdırılıb ki, umummilli lider Heydər Əliyevin əsasını qoyduğu dövlət gənclər siyasəti Prezident İlham Əliyev tərəfindən uğurla davam etdirilir. Bugün Azərbaycan gəncləri dövlətin hərtərəfli qayğısı ilə əhatə olunublar. Ölkəmizdə həyata keçirilən gənclər siyasətinin fonunda gənclərin hərtərəfli inkişafını, cəmiyyətin həyatında fəal iştirakını təmin etmək məqsədi ilə dövlət tərəfindən ictimai-siyasi, sosial-iqtisadi, təşkilati-hüquqi şəraitin və təminatların yaradılması istiqamətində əhəmiyyətli tədbirlər görülüb.

Sonda Ulu öndər Heydər Əliyevin gənclik siyasəti istiqamətində gördüyü işlər haqqında videoçarx nümayiş olunub.