24 noyabr 2023-cü il tarixdə Xocalı rayon kərkicahan qəsəbə tam orta məktəbində "Gənclərin ailə qurmağa hazırlıq səviyyəsinin artırılması və onlarda ailə məsuliyyətinin formalaşdırılması" mövzusunda yeniyetmə gənclərlə maarifləndirici söhbət aparıldı. Məlumat verildi ki, Azərbaycan xalqı öz tarixi köklərinə, adət-ənənələrinə bağlı bir xalqdır və bu adət-ənənələrdən biri də toy adətidir. Vaxtından öncə qurulmuş ailələr istisna olmaqla bağlanmış nikahlar iki gənci ömürlük olaraq bir-birinə bağlayan müştərək qərardır. Azərbaycanda mövcud olan ailə modeli öz dəyərlərinə görə hər zaman nümunəvi olan bir modeldir. Gənclərimiz ailə qurmazdan öncə bilməlidirlər ki cəmiyyətimizin gələcəyi sağlam təməllər üzərində qurulan ailələrdən asılıdır. Bu istiqamətdə nikaha daxil olan hər iki tərəf bu gün təməli qoyulan ailədə ailə üzvü kimi öz məsuliyyətini dərindən dərk etməli və öz qərarlarını buna uyğun müəyyənləşdirməlidirlər.