Azərbaycanın Qarabağ iqtisadi rayonunda yerləşən Xocavənd və Ağdərə şəhərlərinin 20 sentyabrda azadlığı dövlətçiliyimiz üçün xüsusi əhəmiyyət kəsb edir.

Xocavənd – zəngin təbiəti, tarixi abidələri və kənd təsərrüfatı potensialı ilə tanınır. Bu torpaqlar uzun illər işğal altında qalaraq dağıntılara məruz qalsa da, indi yenidən dirçəlir. Burada həyata keçirilən “Böyük Qayıdış” proqramı sayəsində kəndlər abadlaşdırılır, yollar çəkilir, həyat canlanır.

Ağdərə isə strateji mövqeyi ilə seçilir. Bu bölgənin azad olunması Qarabağın tam təhlükəsizliyini təmin etdi, Ermənistanla sərhəd boyunca hərbi və siyasi üstünlük yaratdı. İndi isə burada iqtisadi fəaliyyətin inkişafı, turizm imkanlarının genişlənməsi üçün yeni perspektivlər açılır.

20 sentyabr Azərbaycan üçün həm qələbə, həm də məsuliyyət günüdür. Çünki azad edilmiş şəhərlərdə həyatın bərpası, əhalinin doğma yurdlarına qayıdışı dövlətimizin qarşısında duran əsas vəzifələrdəndir.
Xocalı rayon ziyalısı Elman Abdullayev