Cəbrayıl – Zəfər tariximizin şanlı səhifəsi

Azərbaycanın müasir tarixində mühüm yer tutan 4 Oktyabr – Cəbrayıl Şəhəri Günü xalqımızın Vətən müharibəsində qazandığı tarixi Zəfərin əlamətdar səhifələrindən biridir.

2020-ci il oktyabrın 4-də Cəbrayıl şəhərinin işğaldan azad edilməsi Azərbaycan Ordusunun döyüş meydanında əldə etdiyi mühüm uğurlardan biri olmuşdur. Cəbrayılın azad olunması həm hərbi, həm də mənəvi baxımdan böyük əhəmiyyət daşımışdır.

Bu tarixi qələbə Azərbaycan əsgərinin yüksək döyüş hazırlığını, əzmini və Vətənə bağlılığını nümayiş etdirdi. Vətən müharibəsi zamanı şəhidlərimizin qanı bahasına əldə edilən Zəfər nəticəsində Azərbaycan öz ərazi bütövlüyünü bərpa etdi.

Cəbrayıl şəhərinin azad olunmasından sonra burada geniş bərpa və yenidənqurma layihələrinin həyata keçirilməsinə başlanılmışdır. Şəhərin müasir standartlar əsasında yenidən qurulması, yol-nəqliyyat infrastrukturunun yaradılması və sosial obyektlərin inşası qarşıdakı inkişafın əsas istiqamətlərini təşkil edir.

4 Oktyabr Cəbrayılın tarixində yeni səhifənin başlanğıcıdır. Bu gün həm Vətən müharibəsində əldə olunmuş Zəfəri, həm də şəhərin gələcək inkişafını özündə birləşdirən əlamətdar tarix kimi qeyd olunur.