9 Noyabr – Dövlət Bayrağı Günü hər bir Azərbaycan vətəndaşı üçün qürurverici tarixdir. Bu gün xalqımızın müstəqilliyini, dövlətçiliyini və milli birliyini təcəssüm etdirən üçrəngli bayrağımıza olan sevgi və hörmətimizi bir daha ifadə edirik.

Azərbaycan bayrağı bizim üçün sadəcə dövlət rəmzi deyil. O, xalqımızın keçdiyi çətin tarixi yolun, azadlıq uğrunda mübarizəsinin və müstəqil yaşamaq iradəsinin göstəricisidir. Bayrağımızdakı mavi, qırmızı və yaşıl rənglər milli kimliyimizi, müasirliyə bağlılığımızı və mənəvi dəyərlərimizi əks etdirir.

1918-ci il noyabrın 9-da Azərbaycan Xalq Cümhuriyyəti tərəfindən qəbul edilən üçrəngli bayrağımız bu gün də başımızın üzərində qürurla dalğalanır. Onun hər yüksəlişi bizə müstəqilliyimizin nə qədər qiymətli olduğunu xatırladır.

Bu gün üçrəngli bayrağımızın Azərbaycanın bütün ərazilərində dalğalanması hər birimizin sevincidir. Biz bu müqəddəs rəmzi sevməli, qorumalı və gələcək nəsillərə onun mənəvi dəyərini öyrətməliyik. Çünki bayrağımız bizim qürurumuz, şərəfimiz və müstəqilliyimizin əbədi rəmzidir.