26 dekabr 2023-ci il tarixində Ailə, Qadın və Uşaq Problemləri üzrə Dövlət Komitəsi “Qalib Ölkənin Qalibləri - 2023” mükafatlandırma mərasimi keçirib.
Mərasimdə cari il ərzində uşaq hüquqları, xüsusən də uşaqların inkişaf hüququ sahəsində səmərəli fəaliyyəti ilə seçilən uşaqlar mükafatlandırılıb.
Tədbir Ailə, Qadın və Uşaq Problemləri üzrə Dövlət Komitəsinin yanında yaradılmış Uşaq Səfirlər Məclisi tərəfindən keçirilmişdir. Regional nümayəndələrin, Uşaq Səfirlər Məclisinin üzvlərinin və s. dəvət edildiyi tədbirdə Xocalının regional nümayəndəsi, Xocalı rayon Kosalar kənd tam orta məktəbin IX sinif şagirdi Quluzadə Fidan Fuad qızı iştirak etmişdir.