25 Oktyabr – Qubadlı Şəhəri Günü: Tarixi Zəfərin, Milli Qürurun və Qayıdışın Təntənəsi.

Azərbaycan xalqının tarixində elə günlər var ki, onlar yalnız təqvimdəki bir tarix deyil, bütöv bir xalqın iradəsini, mübarizə əzmini, milli birliyini və gələcəyə olan inamını özündə ehtiva edir. 25 oktyabr – Qubadlı şəhəri Günü də məhz belə əlamətdar tarixlərdəndir. Bu gün Azərbaycanın ərazi bütövlüyünün bərpası yolunda qazanılmış tarixi qələbənin, Azərbaycan Ordusunun qəhrəmanlığının və uzun illər doğma yurd həsrəti ilə yaşayan insanların ümidlərinin gerçəkləşməsinin rəmzidir.

2020-ci il oktyabrın 25-də Azərbaycan Ordusunun uğurlu hərbi əməliyyatları nəticəsində Qubadlı şəhəri Ermənistanın işğalından azad edildi. Bu hadisə 44 günlük Vətən müharibəsinin gedişində mühüm mərhələ olmaqla yanaşı, Azərbaycanın hərbi-strateji üstünlüyünün möhkəmləndirilməsinə və tarixi ədalətin bərpasına əhəmiyyətli töhfə verdi.

Prezident, Müzəffər Ali Baş Komandan İlham Əliyev Qubadlının azad edilməsinin tarixi əhəmiyyətini belə ifadə edib: “Qubadlıya öz sahibləri qayıdıb. Qubadlının işğaldan azad edilməsi tarixi hadisə idi. Oktyabrın 25-də Qubadlı şəhərinin azad edilməsi bizim qələbəmizi yaxınlaşdırdı”.

Bu fikirlər Qubadlının azadlığının həm hərbi, həm siyasi, həm də mənəvi baxımdan əhəmiyyətini aydın şəkildə ifadə edir. Qubadlı şəhərinin azad edilməsi doğma torpaqların geri qaytarılması ilə yanaşı, Azərbaycan xalqının tarixi yaddaşının və milli qürurunun bərpası demək idi.

Xocalı rayon gənci Elnur Qasimli.