27 Sentyabr – Anım Günü ilə əlaqədar xocalıların kompakt şəkildə müvəqqəti məskunlaşdıqları Goranboy rayonunun Aşağı Ağcakənd qəsəbəsində ağacəkmə aksiyası keçirilib.

Aksiya Xocalı rayon İcra Hakimiyyəti Başçısı Aparatın təsdiq olunmuş tədbirlər planına uyğun olaraq təşkil edilib. Tədbirdə Xocalı rayon İcra Hakimiyyətinin rəsmiləri, yerli xidmət sahələrinin, təşkilat və müəssisələrin nümayəndələri, həmçinin rayon ictimaiyyətinin üzvləri iştirak ediblər.

Aksiya zamanı ərazidə ümumilikdə həmişəyaşıl ağaclar əkilib. Yeni əkilən ağaclar suvarılıb və onlara aqrotexniki qaydalara uyğun qulluq edilib.

Ərazidə yaşıllaşdırma və abadlıq işlərinin bundan sonra da mütəmadi davam etdirilməsi nəzərdə tutulur.