Çin və Azərbaycan xalqları arasında tarixi dostluq münasibətləri qədim dövrlərə dayanır. İpək Yolu boyunca qurulan ticarət və mədəniyyət əlaqələri iki xalq arasında qarşılıqlı etimad və anlaşmanın bünövrəsini qoymuşdur. Tarix boyu Çin və Azərbaycan arasında ticarət karvanları vasitəsilə ipək, ədviyyat, xalça və digər məhsullar mübadilə olunmuş, bu proses mədəniyyətlərin yaxınlaşmasına səbəb olmuşdur.

Müasir dövrdə də Çin və Azərbaycan xalqları arasındakı dostluq münasibətləri qorunub saxlanılır və daha da inkişaf etdirilir. Tərəflər arasında mədəniyyət, təhsil və turizm sahələrində əməkdaşlıq genişlənir. Azərbaycanlı tələbələrin Çində təhsil almaları, Çin dili və mədəniyyəti ilə tanış olmaları xalqlar arasında qarşılıqlı anlaşmanı gücləndirir. Eyni zamanda, Bakıda fəaliyyət göstərən Konfutsi İnstitutu və müxtəlif mədəni tədbirlər bu münasibətlərin möhkəmlənməsinə töhfə verir.

Azərbaycan və Çin xalqları arasında ortaq dəyərlərə və qarşılıqlı hörmətə əsaslanan dostluq münasibətləri gələcəkdə də siyasi, iqtisadi və humanitar sahələrdə əməkdaşlığın əsasını təşkil edəcəkdir.
Xocalı rayon ziyalısı Bəxtiyar Allahverdiyev.