İlham Əliyevin dövlətçilik strategiyası və güclü Prezident institutu.

Azərbaycan Respublikasının Prezidenti cənab İlham Əliyevin fəaliyyəti müasir Azərbaycan dövlətçiliyinin möhkəmləndirilməsi, idarəetmənin təkmilləşdirilməsi və Prezident institutunun güclü siyasi dayağa çevrilməsi ilə səciyyələnir. Ulu Öndər Heydər Əliyevin əsasını qoyduğu dövlətçilik ənənələri Prezident İlham Əliyev tərəfindən yeni dövrün çağırışlarına uyğun şəkildə inkişaf etdirilmişdir.

Prezident İlham Əliyevin rəhbərliyi dövründə dövlət idarəçiliyində şəffaflıq, məsuliyyət və çevik qərarvermə əsas prinsip kimi formalaşmışdır. İcra hakimiyyəti orqanlarının fəaliyyətinin təkmilləşdirilməsi, elektron hökumət sisteminin tətbiqi, korrupsiyaya qarşı mübarizə və institusional islahatlar dövlət aparatının effektivliyini əhəmiyyətli dərəcədə artırmışdır.

Dövlət başçısı milli maraqlara əsaslanan balanslaşdırılmış siyasət yürüdərək Azərbaycan Respublikasının daxili sabitliyini və siyasi davamlılığını təmin etmişdir. Prezidentin prinsipial mövqeyi, hüquqi dövlət quruculuğuna verdiyi önəm və Konstitusiyanın aliliyinin qorunması ölkədə vətəndaş–dövlət münasibətlərinin sağlam əsaslar üzərində formalaşmasına şərait yaratmışdır.
Xocalı rayon gənci Ziya Əliyev