Qarabağ və Şərqi Zəngəzurun bərpası – Böyük Qayıdış və strateji gələcək baxışı.

Prezident İlham Əliyevin fəaliyyətinin ən mühüm istiqamətlərindən biri işğaldan azad edilmiş ərazilərin bərpası və yenidən qurulmasıdır. Dövlət başçısının rəhbərliyi ilə həyata keçirilən Böyük Qayıdış proqramı tarixi, sosial və mənəvi əhəmiyyət daşıyır.

Azad edilmiş ərazilərdə müasir şəhərsalma konsepsiyasına uyğun yaşayış məntəqələrinin salınması, “ağıllı şəhər” və “ağıllı kənd” layihələrinin icrası, yaşıl enerji strategiyası həmin regionların dayanıqlı inkişafını təmin edir. İnfrastruktur layihələri ilə yanaşı, təhsil, səhiyyə və mədəniyyət obyektlərinin inşası bu ərazilərin sosial həyatının bərpasına xidmət edir.

Prezident İlham Əliyevin gələcəyə baxışı güclü iqtisadiyyat, sosial ədalət, milli təhlükəsizlik və müstəqil xarici siyasət prinsiplərinə əsaslanan Azərbaycan modelini formalaşdırır. Bu model ölkənin uzunmüddətli inkişafını və xalqın rifahını təmin edən etibarlı yol xəritəsidir.
Xocalı rayon ziyalısı Anar Əliyev